Dios mabalos Jun V
Mawot ko tabing i-dedikar an kolum na ini sa sarong taong mabooton, marhay an loob, sarong modelo asin inspirasyon. Alagad dai na ngonyan sa kinaban porke sinundo na kan Ama sa loyong kinaban.
An Rawit-dawit kono, sa sakuyang pang-intindihan, iyo an baga tula sa Tagalog, garo man na Haiku sa Japan.
Kan dai pa man ako nag-eeskuela digdi sa Manila, nagdadangog ako pirmi sa Radyo DZGB sa Legazpi, lalo na sa pang-gabing programa ni Jun Villanueva, dating Vice-Mayor sa banwaan ning Camalig. Igwang mga nagpapadara sa iya sin mga rawit-dawit na biyo man a nakaka-engganyo an sulod - awiton, istorya, manlaen-laen. Binabasa niya ini, maluhay na ipinapaabot sa mga nagdadangog an mensahe.
Iyo man nanggad ang pagkabigla ko kan mabaritaan kong gadan na palan ini si Jun V. Kagigibohan kan mga mararaot na boot, sa politika. Hoven pa ini siya kan nagadan, dai pa nganing 40. Tsk. Arog kaya kaiyan an kamawotan kan Kagurangnan?
An maboboot na tawo an naeenot…
